Денес во спортските медиуми се појави информација за можна преселба на Илија Несторовски во Атлетико Мадрид.
Со блескавите настапи и неверојатните голови за тимот на Палермо, Илија веќе го привлече вниманието на многу клубови меѓу кои Наполи, Лацио, Севиља, но и тимови од Премиер Лигата.
Според шпекулациите кои се појавија денес, неверојатната игра на Иле и одличното чувство за постигнување голови го забележал и Диего Симеоне, кој го посакал во своите редови. Како што пишуваат спортските медиуми, Атлетико Мадрид веќе неколку месеци бил заинтересиран за услугите на 26- годишниот Македонец. Од друга страна пак, првиот човек на Палермо, Маурицио Ѕампарини претходно имаше изјавено дека ќе направи се за да го задржи Несторовски во тимот.
Познато е дека Антоан Гризман ќе го напушти шпанскиот гигант и ќе се сели во редовите на Манчестер Јунајтед, а оттука се појавила потребата за нов офанзивец во Атлетико.
Моментално Иле е единствената светла точка во тимот на Палермо, а со своите 9 голови и неверојатната игра му дава надеж на италјанскиот клуб за опстанок во Сериа А.
Ф.Г.