Австрија нема да учествува во формирањето на заедничката војска на ЕУ, соопшти министерството за одбрана на оваа држава.
Како што пишува “Куриер”, идеата за европска војска е во спротивност со австрискиот устав.
“Ние не можеме да се одлучиме за овој план – Австрија ја чува својата нутралност”, соопшти министерот Марио Кунашек, наведува неговата прес служба.
Властите во Австрија во 1955 година го променија Уставот и се обврзаа дека ќе ја штитат својата неутралност со сите средства и дека нема да влегуваат во воени сојузи.
Францускиот претседател Емануел Макрон предложи создавање на “паневропска војска”, која би била независна во однос на САД, вклучувајќи и сектор за сајбер безбедност.