Во една недела учество на 4 првенства и низа успеси за велосипедистите од Велосипедскиот Клуб & Сервис “Илинден” од Прилеп.
Најпрво во Шид, Србија на 12.06., Константин Костоски заврши како четвртопласиран на меѓународната трка во категорија на кадети, каде лани победи во конкуреција до 15 години.
Станува збор за силна конкуренција од целиот Балкан, а прикажаното на Константин на трката е за секоја пофалба.
Следуваше Државното првенство “Хронометар 2023”, каде Андреј Маџоски го освои второто место во јуниори, Константин беше трет во кадети, Никола Ристески заврши како петтопласиран во кадети, а Младен Петрески осми исто така во кадетска конкуренција.
Вчера пак, на Државното друмско првенство до 15 и 13 години во Кичево, Стефан Маџоски стана нов државен првак во конкуренција до 15 годишна возраст.
А денеска на истото првенство, Андреј го освои второто место во јуниори, Константин беше втор во кадети, а Никола Ристески и Младен Петрески завршија како петто и шесто пласирани.
Честитки за најновите успеси на младите велосипедисти и желби за уште поголеми во наредните натпреварувања.