Карло Котарели го врати денеска мандатот на претседателот на Италија Серџо Матарели, додека истовремено лидерите на движењето “Пет ѕвезди” и Лигата, Луиџи Ди Мајо и Матео Салвини постигнаа договор за формирање на нова влада на чело со професорот по право Џузепе Конте.
“Движењето пет ѕвезди и Лигата постигнаа договор за политичка влада на чело со Џузепе Конте како премиер”, наведоа Салвини и Ди Мајо во заедничката изјава.
Претседателот Серџо Матарела сега ќе мора да го даде новиот мандат на Конте и да ги одобри сите членови на кабинетот.
Leaders of the League party and Five Star Movement in Italy say “all conditions have been met” for a government deal
— Sky News Breaking (@SkyNewsBreak) May 31, 2018
Медиумите пренесуваат дека новата италијанска влада може да биде избрана веќе утре, 89 дена после одржувањето на парламентарните избори.
Разговорите на лидерите од крајната десничарска Лига и Движењето пет ѕвезди, ориентирани против естаблишментот, беа фокусирани на изборот на нов министер за економија, бидејќи Матарела претходно ја одби предложената коалиција во која тоа место требаше да му припадне на евроскептикот Паоло Савони.
Извори запознати со ситуацијата велат дека иден министер за економија би можел да биде професорот по економија на “Тор Вергата” универзитетот, Џовани Трија.
Савони би го добил ресорот за европски работи, а Енцо Моаверо Миланези би бил министер за надворешни работи.
Ројтерс пишува дека министерството за индустрија би му припаднало на Ди Мајо, додека Салвини ќе биде министер за внатрешни работи.