По серијата намалувања на цената на нафтените деривати, ценовните движења на светските берзи не носат добри вести.
За само 2 дена, цената на суровата нафта скокна за 3,5 долари по барел и сега се тргува за нешто по 63 долари за еден барел.
И покрај тоа што трендот на движењето на цените води кон поскапување, просекот се уште е под оној од пред две недели, па доколку нема некои драстични скокови, не се исклучува, идниот понеделник, регулаторот цените да ги задржи на ова ниво или пак корекциите да бидат минимални.
Но, доколку нафтата продолжи да поскапува со ова темпо, можно е до крајот на годината до кога има уште две корекции, повторно да дојде до значително зголемување на малопродажните цени.
Во моментов дизелот е 61 денар, а бензините 63 односно 65 денари за еден литар.