Мостот, или “мовчето”, на Градската река во населбата “Сточен пазар” во Прилеп, е при крај.
За градоначалникот тоа е најубавиот мост, за опозицијата е криминален проект, а мислењето е подвоено и кај граѓаните.
Изградбата се одвиваше речиси година и пол со прекини, што претставуваше огромна главоболка за граѓаните и возачите на тешки товарни возила кои поминуваат низ овој дел на градот.
Првично беше планирано изградбата на мостот да чини околу 500.000 евра, а според последните податоци и потпишани анекс договори, изградбата скокна на 35 милиони денари, или околу 600.000 евра.
Колку ќе биде корисен за сообраќајот останува да видиме во иднина.