Во емисијата „Отворено“ на телевизија Алфа, гостуваше претседателот на ВМРО-ДПМНЕ, Христијан Мицкоски, кој потенцираше дека, додека Зоран Заев е на власт Македонија ќе губи многу.
– Јас ги разбирам емоциите и сентиментот кај граѓаните, апсолутно е оправдан бидејќи живееме во тешки времиња. Живееме практично со една влада која што еве речиси две години континуирани неуспеси им испорачува на граѓаните во Македонија, понижувања и омаловажувања, појасни Мицкоски.
Тој образложи дека ВМРО-ДПМНЕ во своите дебати, во своите интервјуа, своите прес конференции, средби со граѓани, средби со членство и така натака, кажува дека, се додека Зоран Заев и СДСМ се во владата на Република Македонија, Македонија практично ќе продолжи да губи.
-И мотивирани од сето тоа ние веднаш после оној противуставен и недемократски начин на она што се случуваше во рамките на Парламентот, во петокот ВМРО-ДПМНЕ повика на предвремени парламентарни избори.