По трагичниот исход од потрагата по 40-годишниот прилепчанец, од МВР излегоа со подетални информации. Од таму велат дека денеска (16 февруари) во 16:00 часот во СВР Битола било пријавено дека во кругот на Градска општа болница Прилеп е пронајден В.И. (40) од Прилеп без знаци на живот.
Од Итната медицинска помош била констатирана смрт, а за настанот бил известен јавен обвинител, по чија наредба телото е предадено на обдукција. Од МВР соопштуваат дека се преземаат мерки за целосно расчистување на случајот.
Илиоски се водеше како исчезнат од саботата, 14 февруари 2026 година. Информацијата за неговото исчезнување на социјалните мрежи ја сподели неговата мајка, по што два дена прилепчани трагаа по него.
За жал, потрагата заврши со трагичен исход.
Виктор зад себе остави едно малолетно дете.