Полициски службеници од ОВР Крушево при Секторот за внатрешни работи Битола денеска (12.06.) на неколку локации на подрачјето на Крушево спроведоа превентивна активност во рамките на кампањата на министерството насловена „Безбедна заедница-мирна заедница“, со посебен акцент на превенцијата од кражби и од измами.
Во текот на низата средби и разговори со граѓаните, особено оние од повозрасните категории, полициски службеници укажуваа и појаснуваа за за законскиот третман на различните форми на имотен криминал и секако околу начините и постапките за превенција од вакви кривични дела. Покрај ова, на граѓаните им беа делени печатени материјали со практични совети за превенција од имотните деликти.
