Марио Балотели на чекор од потпис со култниот италијански тим

од страна на
markukule
-

Марио Балотели од почетокот на минатиот месец беше на чекор од преминување во редовите на Олимпик Марсеј, меѓутоа преговорите во последен момент се закомплицираа и Италијанецот остана без нов клуб.

Сега “Калчомеркато” известува дека агентот на Балотели Мино Раиола, одржал состанок со претставниците на Парма. Парма и претходно била заинтересирана за темпераментниот играч од нападот.

Потполно е јасно дека Балотели не сака да го продолжи договорот со Ница, а во неколку наврати изрази и желба за враќање во Сериа А. Весникот Газета дело Спорт е уверен во позитивен исход од состанокот на Раиола и челниците на Парма.

Италијанските весници веруваат дека Балотели ќе прифати и смалување на платата за да го забрза преминувањето на Енио Тардини.



Markukule.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.

ПОВРЗАНИ НАПИСИПОВЕЌЕ ОД АВТОРОТ