Според дел од италијанските медиуми, тренерот на Јувентус, Макс Алегри би можел да го напушти Јуве на крајот од сезоната, а неговото место да го заземе Зинедин Зидан.
Алегри на клупата на “бјанконерите” е од 2014 година и досега освои 4 последователни шампионски титули и исто толку титули во Купот на Италија, но загуби и две финалиња во Лигата на шампиони.
Познатиот новинар Лука Момблано сега вели дека Алегри ќе го напушти кормилото на клубот во лето. И покрај успехот на клубот во шампионската лига оваа сезона, новинарот вели дека замената е веќе договорена.
Според истиот новинар Зидан веќе се договорил со претседателот на Јуве, Андреа Ањели.
Французинот моментално е без клуб откако го напушти Реал Мадрид, каде освои три последователни титули во Лигата на шампиони.
