Македонија утрово се разбуди под снег.
Утрово речиси на сите повисоки места, но и на пониските врнеше снег.
Според камерите на „skimacedonia.mk“ снег во моментов врне без престан на Попова Шапка како и во Нижо Поле на Пелистер.
Инаку утрово под снег е и Маврово, планината Водно, Галичица, Пониква како и Крушево.
Метеоролозите најавуваат снег и денес во текот на денов.
Снег врне и на некои пониски места во земјава, а моментално снежи и во Прилеп и Битола.