Не така одамна прилепчани го добија локалот “NO NAME”, сместен позади бизнис центарот на само чекор од плоштадот “Методија Андонов – Ченто”. Локалот кој беше одлично освежување за време на зимскиот период, за сите оние кои сакаат да се релаксираат после напорниот работен ден, од синоќа ја отвори и својата летна тераса, која совршено ќе се вклопи во мозаикот на можности што го нуди ова место.
Се работи за широка летна тераса, со уникатно осветлување, пријатен амбиент и досетливи украси, а фонтаната која е сместена во средината е вистинско уживање, кое го доловува мирисот на летото и сонцето.
Се чини дека сопствениците на досетлив начин го доловиле она што ќе му годи секому, она што секому ќе овозможи пријатен и топол престој и ќе го натера повторно да се врати. Дека местото е навистина по вкус и има посебен шмек, говори и тоа што во само 24 часа нивни гости биле неколку стотини прилепчани кои понесоа пријатни впечатоци.
Летната тераса на “NO NAME” е пример како изгледа едно место кога инспирацијата, имагинацијата и шаренилото на идеи ќе се вклопат на вистински начин и ќе се создаде едно ремек дело во форма на мала летна оаза во центарот на Прилеп.
Maркукуле.мк одблиску го проследи ова, би рекле, вистинско збогатување на летната понуда на Прилеп и би било вистинска штета да се занемари нешто што е вредно и комплетно уредено.
[Best_Wordpress_Gallery id=”461″ gal_title=”BobanPridaenko”]
“Од идеја, до реализација”, го нарекоа својот проект тројцата сопственици, покажувајќи ја фотографијата која го отсликува местото како пред и потоа.
Секоја чест дечки и многу среќа понатаму!