Како една од селекциите преку Лигата на нациите, имаме бараж за Мундијалот, а патот до таму ќе биде тежок.
Нашиот национален тим ќе биде позициониран во последниот четврти шешир. Ситуацијата е слична како кога игравме за СП 2022 во Катар. Можните ривали за полуфиналето веќе се познати, а се доста незгодни.
Македонија во полуфиналето ќе игра со противник од првиот шешир, тоа се Италија, Турција, Данска или Украина. Нашата следна селекција ривал на патот кон светскиот шампионат ќе биде домаќин на полуфиналниот натпревар.
Шешир 1: Италија, Данска, Турција, Украина
Шешир 2: Полска Велс, Чешка Словачка
Шешир 3: Ирска, Албанија, БиХ, Косово
Шешир 4: Романија, Шведска, Македонија, Северна Ирска
Ждрепката за баражот за СП 2026 е закажана на 20 ноември, со почеток од 13:00 часот.