Откако пратениците на СДСМ денеска правеа напори, без никаква основа во Деловникот на Собранието, да протуркаат гласање на претседател, граѓаните ширум државата се кренаа на нозе и одново излегоа на улиците, нагласувајќи им да не се обидуваат да си поигруваат трпението на народот.
Прилепчани во огромен број излегоа и одново маршитаа од споменикот на “Прилепски бранители” до комплексот “Карпалак”.
“Не случајно овој марш во градот херој се движи по таа траса. Започнува од споменикот “Прилепски бранители” затоа што овој град имал и има бранители, а завршува кај “Карпалак”, местото каде бранителите со крв платиле за Македонија”, порача Гоце Стефаноски пред илјадниците граѓани.
Пред прилепчани се обратија и чуварите на македонската посебност, историчарите, кои застанаа во одбрана на националните интереси.
