Ретко кој на македонската естрада во денешно време, особено кога станува збор за бендовите, може да се пофали со комплетен летен хит, кој освојува уште со првиот слушнат рефрен.
Но, “МОДУС БЕНД” го докажаа спротивното, имаат нова песна и видео спот со кој ќе ве воодушеват. Проектот носи име “Џабе бараш утеха”, а со извонредниот вокал на прилепчанецот Гоце Бошкоски – Чоки, ова ќе биде прекрасно музичко парче кое со сигурност ќе се врти по радио станиците и ќе биде добредојдено на секоја забава.
Видео записот за песната е снимен на прекрасната песочна плажа во Крани, покрај Преспанското Езеро, и во “Бар Сончев брег”, што и’ дава дополнителна свежина и летен шарм на целата приказна.
Mузиката е дело на бендот, а аранжманот е направен во соработка со Славко Ристески. Текстот го напиша Огнен Неделковски, а за видеото се погрижи Виктор Апостолоски. Во целиот проект вклучени беа и пратечкиот вокал Софија Стојановска, како и Мартина Станчева, која одлично се носеше со улогата на артист во видео спотот.
Уживајте во продолжение: