Пред две недели во Кавадарци започнаа подготвителните работи за изградба на маркет на Лидл. Парцелата каде ќе никне новата градба веќе се порамнува и оградува, а истиот ќе се наоѓа на кружниот тек кај Северен булевар.
Лидл во Кавадарци ќе се простира на површина од 2.230 м2, а ова е трет маркет на компанијата чија градба започнува, по таа во Битола и Скопје.
Во Битола маркетот на Лидл е веќе во завршна фаза, а во Скопје започна да се гради пред извесно време.
Според информациите Лидл планира да изгради маркети и во Штип, Кичево и Тетово. Прилеп се споменуваше како еден од градовите, но засега нема ништо конкретно.