Американската Централна разузнавачка агенција – ЦИА пред неколку дена објави преку 12 милиони документи кои ги прибирала во текот на минатиот век, а се декласифицирани на крајот на минатата година. Меѓу нив има и илијадници кои се однесуваат на Македонија
Во еден од извештаите, разузнувачите на ЦИА го презентираат планот на Русија (тогаш СССР) во кој се зборува за планирана воена интервенција во Македонија на воените трупи кои биле стационирани во Бугарија со цел формирање на голема Македонија во нејзините природни граници.
Според овој план, направен во 1949 година, Русија планирала со воена интервенција кон Македонија да ги припои Призрен-Ниш- Приштина-Врање на север, граничната линија да ја прошири на исток до Радомир и Пирин, а на југ до Солун и голем дел од територијата на Грција и Албанија.
За таа цел, Русите планирале да се активираат 15-те тенковски дивизии кои биле распоредени во Бугарија, а заедно со помош на Македонците во Македонија и Грција да се стави конечен крај на репресијата на Јосип Броз Тито кој ги подарил овие територии на Македонија по налог на неговите западни покровители.
Извор: инфомах