Драги Рашковски објави писмо на социјалните мрежи во кое се повлекува од функцијата Секретар за мониторинг и поддршка на институциите при реализација на програмата на Влада на Република Македонија.
Тој на социјалните мрежи објави писмо кое го упатува до премиерот Зоран Заев, во кое објаснува зошто дава оставка.
-Кога политиката, политиканството ќе станат погласни од природните науки, тогаш работната атмосфера станува непогодна за некој кој е научен во се да ја бара логиката, пишува тој во писмото.
Тој вели дека освен зачувувањето на интегритетот и достоинството, причината за неговото повлекување се и актуелните случувања и според него лажните вести, кои вели дека треба да се проверат преку институциите.
Погледнете го писмото во продолжение:
