Поради ситуацијата со корона вирусот гимназијалците од трета година од прилепската гимназија не беа во можност да ја одржат традиционалата повеќедневна научна екскурзија низ неколку европски држави.
Притоа беа посетувани значајни културни и историски знаменитости. Секоја екскурзија за учениците претставува незаменлив настан кој се памти целиот живот. Многу фотографии, видеозаписи, случки, згоди и незгоди, незаборавно дружење … остануваат во спомените на учениците.
Бидејќи планираната повеќедневна екскурзија не може да се реализира, гимназијалките Вероника Кукеска и Кристина Каламукоска, под менторство на професорот Кире Николоски, направија видео проект со кој низ фотографии и текст се опишуваат градовите што требаше да бидат посетени.