Фудбалерите на Победа го забележаа вториот есенски триумф во Втората футсал лига на Македонија. Во спортската сала на СОУ “Ристе Ристески-Ричко”, победашите триумфираа со 6:4 над Каршијака, екипа од Студеничани.
Головите за прилепчани ги постигнаа: Андреј Паскоски, два гола постигна Стефан Спиркоски, а три пати прецизен беше Кристи Крајоски.
Победа сега има шест бода и е на делба на петтото место на табелата, каде дури шест екипи имаат исто бодовно салдо.
Во наредното коло, прилепчани гостуваат во Струга кај Енхалон.