Еден од најгласните епископи на МПЦ-ОА кој беше критички настроен кон последните години на владеењето на ВМРО-ДПМНЕ и Груевски веќе нема трпение за скандалите, грешките и аферите на Заев и неговата влада.
Владиката Европски Пимен меѓу другото во својот пост го критикува одложувањето на планот за смени во администрацијата и фактот што Заев и неговите луѓе немаат совест.
Епископот прашува дали од државниот буџет треба да се платат советници и на сегашните над 60 советници на Заев.
“Ем не ги фаќа метла, ем не ги фаќа грижа на совест. Или пак да им платиме и на советнициве советници”, пишува владиката Пимен откако беше објавено дека руски “Пранкери” дури три пати за една година го натерале да разговара со нив, да мисли дека зборува со Столтенберг и Порошенко и да издава важни свои и туѓи државни позиции.