Кандидатот за претседател на СДСМ и ДУИ, Стево Пендаровски, жестоко ги критикуваше разговорите во четири очи на тема промена на името.
Иако такво нешто, во тоа време се немаше случено, Пендаровски во функција на професор и политичар јавно даваше критики и за тоа што тогашната владата не одржала средби на оваа тема со опозицијата.
-Нашиот претседател на Влада 8-9 пати до сега се тврди дека имал средба со грчкиот поранешен премиер Папандреу во четири очи. Јас не можам да се сетам на една единствена средба на нашиот премиер со лидерите на опозицијата за прашањето со името во четири очи, истакна Пендаровски во 2014-та година.
Лидерот на СДСМ и премиер, Зоран Заев, на средби во четири очи со државниот врв на Грција решаваше прашање за кое не доби поддршка од македонските граѓани.
Лидерот на ВМРО-ДПМНЕ постојано наговестуваше дека Заев ги крие информациите и дека за текот на преговорите опозицијата не е информирана.
Неуспешниот референдум беше и најголем доказ дека Заев не преговарал во име на народот, туку во свое лично име, на средби во четири очи.
Пет години по оваа изјава на Пендаровски, иако токму тоа што го критикуваше тогаш се случи сега, тој не најде храброст истото да му го предочи на Зоран Заев.
Изгледа како баш тоа молчење да му беше наградено со позиција кандидат за претседател.
Извор: kurir.mk