Прилепчани ја продолжија традицијата на собири во своите маала околу коледарските огнови. Со вкусна посна трпеза, греана ракија, вино и многу музика и оро, синоќа се празнуваше Коледе, речиси секаде низ градот.
Маркукуле присуствуваше на коледарскиот оган кај железничката станица во Прилеп, каде беше највесело.
Коледарскиот оган му пркосеше на снежното невреме и ги грееше присутните коледари.
Додека румената ракија ја подгреваше атмосферата, се приготвуваше вкусна риба на скара, а тука беше и посното гравче.
Домаќините весели и гостопримливи, со насмевка не угостија и разиграа.
Им посакуваме традицијата да им трае уште многу годни, добро здравје и уште поголемо расположение догодина.
