Портпаролот на Владата на Македонија, Миле Бошњаковски, на денешната прес конфереција порача дека власта работи на враќање на младите, кои заминале од Македонија.
-Претходната Влада имаше неколку мерки, но факт е дека демографијата не може да се подобри за две години. За жал, немаме информација колкав број на млади се иселиле. Ние како Влада работиме напорно за младите да ги вратиме во Република Северна Македонија, рече Бошњаковски.
