По повод верскиот празник Св. Пантелејмон, кој е на 9-ти август и е храмов празник на новоизградента црква „Св.Велемаченик Пантелејмон“, во дворот на Градската Болница „Борка Талески“ во Прилеп, денеска се изврши осветување, на црквата. Со чинот на осветувањето чининачалствуваше митрополитот Преспанско – Пелагониски и администратор Австралиско новозеландски г.Петар во сослужение со прилепското архиерејско намесништво ,поддржано со хорското пеење на хорот „Св.Петка“. Црквата „Св.Велемаченик Пантелејмон“, е со димензии 10 на 7 метри. Таа е еден од трите верски храмаови што последните неколку години се изградени во Прилеп.
Градоначалникот на Прилеп, Марјан Ристески наскоро најави осветување на уште една црква, на влезот во Прилеп, во близина на Могилата, која го носи името на Свети Наум Охридски .
Инаку, темелите на црковниот храм „св.Велемаченик Пантелејмон“, во кругот на прилепската болница беа поставени, на 19-ти април 2012 година. Идејата за нејзина изградба беше втемелена уште пред четири години, во деталниот и генералниот урбанистичка план на општината, по барање на верниците. Црквата е изградена по сите црковни стандарди во чест и спомен на светецот, заштитник на болните и лекарите, со донација од општинскиот буџет и многу верници, кои на различен начин помогнаа и придонесоа за нејзината изградба и за нејзиното, големо осветување.