Вчера после 6 месеци од одржувањето беа објавени бројките од спроведениот попис на населението.
Бројките покажаа дека Прилеп има 69.025 жители, што сега го сместува на шестото место во Македонија. Ако во минатото учевме дека Прилеп е трет најголем град по бројот на жители, сега пред него се Куманово со 98.104 жители, Битола со 85.164, Тетово со 84.770, како и скопските општини Аеродром со 77.735 и Гази Баба со 69.626.
Според оваа бројка населенито во Прилеп за разлика од пописот во 2002 година се намалило за нешто над 10%, или од 76.768, бројката на жители се намалила на 69.025.
Тоа значи дека за 20 години градот загубил 7.743 жители.