Рускиот телевизиски водител Владимир Соловјов за време на дебатата во неговата емисија го замолил американскиот експерт Григориј Виников да го напушти студиото, бидејќи овој предизвикал бура реакции говорејќи за пилотот Роман Филипов, кој пред неколку дена загина во Сирија.
Винтиков за време на емитувањето на програмата критикувал зошто на пилотот на “Су-25” му е доделено звање “Херој на Русија”.
Тоа се случило кога вториот гостин во емисијата, претседателот на Комитетот на државната дума за образование, Вјачеслав Никонов, предложил минута молк во чест на загинатиот пилот.
Гостите во емисијата и телевизискиот водител веднаш реагирале на репликата на Виников.
“Во Русија се почитуваат мртвите, а посебно кога е во прашање херој”, рекол Соловјов и набрзо замолил гостинот да го напушти студиото.
Мајорот Роман Филипов загина на 3 февруари. Терористите го соборија неговиот авион “Су-25” преку подвижен ракетен систем. Филипов се катапултирал во областа под контрола на терористите, а потоа активирал граната.