Фудбалските фанови од Прилеп и Македонија денеска одново се израдуваа на нови погодоци на Илија Несторовски за Палермо и Езѓан Алиоски за Лидс.
На гостувањето кај Авелино во италијанската Сериа Б, Несторовски беше прецизен во 77-та минута за 0:3 и ја забетонира победата и повторното враќање на врвот на Палермо. Со овој погодок нашиот Иле стигна до својот десетти погодок сезонава.
Малку позападно во англиската Чемпионшип лига, Алиоски третпат последователно стрелаше на гостувањето кај Барнсли за 0:2, во судиското продолжение од првото полувреме. Ова веше петти погодок за Алиоски сезонава, кој конечно игра на извонредно ниво.