Според календарот на МПЦ (Јулијанскиот календар) денеска е 12 јануари.
Денеска е Св. маченица Татјана.
Света Татјана потекнувала од видно римско семејство. Татко и три пати бил префект на Рим. Уште од младоста била длабоко проникната од Христовата вера, а подоцна била посветена за ѓакониса. Како христијанка била забележана од римските власти, затворена и мачена. После измачувањата била фрлена на лавовите, но овие се умилкувале околу неа како во времето кога животните живееја во мир со Адама. Најпосле и ја отсекле главата. Света Татјана пострада за Христа во третиот век.
Она што задолжително на овој ден треба да го направи секоја мајка е да се помоли за здравјето на своето дете, а според верувањата оваа светителка ги слуша молитвите кои се искрени и ги исполнува најголемите желби.