Во обидите да се воспостави врска пред државничките разговори, претседателите на САД и Франција, Доналд Трамп и Емануел Макрон за почетокот на посетата на Макрон на САД избрале состанок со сопругите во домот на првиот американски претседател Џорџ Вашингтон.
Макрон и неговата сопруга Брижит беа поздравени од воен оркестар, кој ги отсвире Марселезата и националната химна на САД, откако слегоа од авионот во базата „Ендрјус”, близу Вашингтон.
Макрон изјави дека со Трамп ќе разговараат за неколку билатерални прашања, вклучувајќи ги безбедноста и трговијата, како и темите кои се на светската агенда.
Иранскиот нуклеарен договор и конфликтот во Сирија се меѓу темите кои ќе бидат разгледани за време на посетата.
Претседателите на САД и Франција и нивните сопруги Меланија и Брижит, со хеликоптер одлетале за Манут Верн.
„Оваа посета е навистина важна со оглед на актуелниот контекст, со толку многу неизвесности, проблеми и понекогаш закани“, рекол Макрон по доаѓањето во Вашингтон, каде ќе престојува три дена.
Денеска Трамп и Макрон ќе ги имаат главните работни активности во Белата куќа, а Меланија за таа прилика одлучила да ги послужи со јагнешко, подготвено на њуорлеански начин. За десерт е планиран колач од нектарина и сладолед, додека како отелотворување на историското пријателство на Франција и САД ќе се служат американски вина.
Погледнете како изгледал пречекот:
