Лига на Македонци од Америка (ЛОМА) му испрати писмо на турскиот амбасадор во САД, Сердар Килич, барајќи од Турција да стави вето за прием на Македонија во НАТО ако Грција продолжи да ја принудува да си го смени името.
„Искрено ги цениме поддршката од Турција за Македонија и неодамнешните изјави на претседателот Ердоган во одбрана на македонското име и идентитет. Ви благодариме за вашето пријателство. Посакуваме сегашното македонско раководство да ги брани македонското име и идентитет на ист начин како што вие ветивте да ја штитите Македонија, нејзиното име и нејзиниот идентитет.
Значи, потребна ни е вашата поддршка. Ако Македонија е присилиена да си го промени своето уставно име со цел да му се придружи на НАТО, тогаш бараме Турција да стави вето (или да вети дека ќе стави вето) на пристапувањето на Македонија во НАТО. Тоа би бил храбар чекор од страна на Турција и одлуката не би била лесна, но има неколку придобивки од ветувањето за вето за членството на Македонија во вакви околности:
Тоа ќе го принуди македонското раководство да го преразгледа откажувањето од името и од идентитетот;
Тоа ќе ги попречи напорите на Грција за искоренување на македонското име и идентитет од постоењето;
Тоа ќе покаже дека политиката на вето на НАТО е во спротивност со нејзината политика на отворени врати;
Тоа ќе му покаже на светот дека ветото од Грција е ирационално, детинесто и опасно;
Тоа може да го притисне НАТО за да ја принуди Грција да се откаже од ветото;
Тоа ќе докаже дека политиката на вето на НАТО дозволува една нација да го прекрши правото на друга суверена нација за самоопределување.
LOMA asks @MFATurkey #Turkey to promise to veto #Macedonia‘s membership into #NATO if #Greece and #Greek chauvinism force Macedonia to change its name. Let’s test NATO principles/policies. Read our letter to #Turkish ambassador. @Dimitrov_Nikola @VladaMK https://t.co/OZGIyvv9uk
— League of Macedonian Americans (@LOMAmacedonians) February 7, 2018
Македонскиот народ и нација се наоѓаат во ќош. Со децении ние Македонците бевме присилувани од Грција само да преживееме. Македонија и нејзиниот народ пропуштија поголем економски и социјален напредок поради пречките од Грција. Ние Македонците сме омаловажувани, непочитувани и малтретирани.
На Македонија ѝ треба пријател.
Јане Сандански, познатиот македонски бунтовник кој веруваше во Македонија на Македонците, на крајот застана на страната на Турција, бидејќи сфати дека и покрај 500. години под Отоманска власт, сојузот со Турција беше единствениот начин да се заштитат и зачуваат македонската нација и идентитет. Сојузувањето со
Турција беше подобра опција отколку паѓањето в раце на соседи како Грција, Бугарија и Србија.
Додека Македонија и Турција го ставија минатото зад нив, се чини дека Грција живее во минатото со цел да ги оправда своите шовинистички и иредентистички аспирации.
Дозволете ни да го зајакнеме ова македонско-турско пријателство заради зачувување на македонското име и идентитет; да застанеме заедно и да го поразиме грчкиот ултранационализам, така што и двата наши народа да можат слободно да бидат
тоа што се без страв и заплашување“, стои во писмото потпишано од соосновачот на ЛОМА, Виктор Синадиноски.
Извор: Инфомакс