Поранешниот сопственик на италијанскиот гигант Милан рече дека лесно би можело да се случи повторно да го купи клубот кој го водеше 30 години.
Берлускони го продаде Милан на кинески конзорциум, меѓутоа, разочаран е од новите сопственици. Росонерите ниту оваа сезона нема да обезбедат пласман во Лигата на шампионите, што беше главна цел.
“На крај повторно ќе го купам Милан. Многу луѓе ме застануваат и ме прашуваат зошто сум го направил тоа. Поради тоа изгубивме и голем број на гласови на изборите”, вели Берлускони.
Да ве потсетиме, Берлускони во 1986 година го презеде Милан и со славниот италијански клуб успеа дури 5 пати да ја освои Лигата на шампиони, осум титули Сериа А, три светски клубски титули…