Пратеникот од редовите на националистичката ВМРО-БНД на Красимир Каракачанов, Ангел Џамбаски, за договорот кој Зоран Заев и Никола Димитров го понудија на владата на Република Бугарија вели дека е добар, дека во него Македонија се обврзува да не го користи уставот за да се грижи за македонското малцинство во Бугарија, дека македонскиот јазик е всушност бугарски дијалект, македонизмот е измислен во 1934-та година и дека со договорот ќе се менуваат историските учебници во Македонија.
„Ќе направам една кратка ретроспекција, Македонската нација, македонизмот е измислен за да го подели бугарското опетшство и беше поддржан со години наназад од Коминтерната и нејзините наследници, во 1934 година оваа доктрина е измислена. А сега за темата дали е добар текстот на договорот, текстот е добар, го читав внимателно, помагавме колку што можеме во неговата изработка“ вели Џамбаски.
Според него нема никаков сомнеж каков е јазикот на кој говори мнозинството во Република Македонија односно дека станува збор за западно-бугарски дијалектен говор што за пратеникот на ВМРО-БНД е „неоспорен факт“.
„Бугарија не го признава македонското малцинство -Ќе го признаеме ли сега со договорот? -Се разбира дека не, ние ќе ја ЗАДОЛЖИМЕ Република Македонија да не ни го отвора тоа прашање по никој начин, го има ова во договорот, отворете го и ќе го прочитате. А договорот е добар затоа што ние одтука ќе започнеме со промена на учебниците по историја, празнување на заеднички празници, тоа е многу едноставно, ние не сакаме некој посмртно да ја смени националноста на бугарските преродбеници до 1945 година, тоа нема да го дозволиме“.
Партијата на Џабаски како и партијата АТАКА на Волен Сидеров, изразито националистички партии со антимакедонски отворени ставови искажаа големо задоволство од она што Заев, Димитров и СДСМ прифатија да го потпишат со Република Бугарија. СДСМ не дозволи промена на точките во договорот по сугестиите на пратениците на ВМРО-ДПМНЕ кои бараа по неколку клучни точки да дојде до промена, за да биде навистина договор во кој ќе се опфатени и македонските интереси, а не само бугарските.
За разлика од Заев и Димитров кои се согласуваат со Џамбаски и националистите од Бугарија, претходникот на Заев, Бранко Црвенковски беше против договор со кој ќе се негираат македонската нација и јазик.