The Infiltrator е новата крими драма од режисерот Бред Фурман во која улогите ги толкуваат Брајан Кранстон, Дијана Кругер, Бенџамин Брат и Ејми Риан.
Сценариото за филмот е на Елен Браун Фурман, а базиран е на автобиографијата на Роберт Мазура, американски федерален агент, кој помогнал во рушењето на царството на Пабло Ескобар.
Мазура на крајот од 80-тите години на минатиот век се инфилтрирал во криминалната група, користејќи го псевдонимот Боб Муслера. Снимањето на филмот чинело 47 милиони долари, а премиерата е закажана за 13-ти јули.
A.Г.