“Инспирирани од успешниот отворен ден на СК Златоврв и ИО Феникс, со огромна чест и задоволство ви го претставуваме PLETVAR OUTDOOR FESTIVAL 2020 кој ќе се одржува од 28 до 30 август 2020 во околината на селото Плетвар!”
Целта на настанот е возбудлива авантура за сите возрасти, запознавање со околината на Прилеп, дружба меѓу љубителите на планината, подобрување на веќе стекнатите вештини во природа, размена на искуства и стекнување на нови знаења!
Во овие три дена ќе можете да бидете дел од многу активности како слеклајн, стреличарство, искачување на врв Козјак (1747м) и посета на пештерата Дуова, велосипедска тура, кратка планинарска тура за почетници, планинско трчање
и многу други забавни активности.
Вашето учество можете да го регистрирате на онлајн апликацијата до 25/8. Котизацијата е симболични 200 денари кои ќе се употребат за формирање на првата спасителна служба во Прилеп.
