Во словенечкиот град Залец е отворена првата фонтана со пиво во Европа. Новата атракција, што ја осмислиле локални претприемачи, сепак нема неограничено да точи пиво, туку за ова задоволство секој ќе треба да плати по шест евра.
За возврат, секој муштерија добива чаша со микрочип, во која ќе може да наточи по еден децилитар од секоја од петте поставени славини.
– Нашата цел не е тука луѓето да се опијат, туку да ја промовираме културата за конзумирање на пиво, изјави на отворањето градоначалникот на Залец, изразувајќи надеж дека словенечкото гратче ќе се најде на туристичката мапа на Европа..
