На околу 30 километри од Прилеп, во атарот на селото Пашино Рувци воскликнало божјото здание крстено по Свети Георгиј. Велелепен храм и грандиозни конаци сред поле. Уникатни по својата градба и оргинална идеја за обновување на стариот манастир кој тука мирувал пред четири века.
Славата на манастирот е Ѓурѓовден, ден кога домаќините пречекуваат илјадници гости, а така беше и вчера.
Редица автомобили, долга околу 2 километри пристигнаа до манастирот кој зрачи со својата посебност и убавина.
Според иницијативниот одбор на манастирот, вчера на Ѓурѓовден присутни биле околу 4000 верници кои се помолија за бериќет и здравје, а потоа и заиграа на македонска песна.
За музичката програма се погрижи естрадната фолк ѕвезда Јордан Митев.
Овој свет храм е од огромно значење за целиот регион И е вистинско богатство во цела Пелагонија.
Еве дел од она што се случуваше вчера таму:
