Управа за водење на матичните книги, Подрачна канцеларија за матично работење – Прилеп објави оглас за вработување на едно лице од ромска националност, за работно место Советник. Ова е добар потег со цел поголемо интегрирање и подобрување на вработеноста на нашите сограѓани Роми.
Општи услови: да е државјанин на Република Македонија, активно да го користи македонскиот јазик, да е полнолетен, да има општа здравствена способност за работното место, со правосилна судска пресуда да не му е изречена казна забрана на вршење професија, дејност или должност.
Посебни услови: ниво на квалификациите VI А според Македонската рамка на квалификации и стекнати најмалку 240 кредити според ЕКТС или завршен VII/1 степен, Правни науки, Одбрана, најмалку 3 (три) години работно искуство во струката
Општи работни компетенции: решавање проблеми и одлучување за работи од својот делокруг, учење и развој, комуникација, остварување резултати, работење со други/тимска работа, стратешка свест, ориентираност кон странките/засегнати страни и финансиско управување
Посебни работни компетенции: активно познавање на компјутерски програми за канцелариско работење, активно познавање на еден од трите најчесто користени јазици на Европската унија (англиски, француски, германски)
Паричен нето износ на плата: 26.257,00 денари
Повеќе информации за огласот погледнете ТУКА