На местото каде некогаш се наоѓал најголемиот воен бункер во срцето на Чешка, изградено е најголемото и најлуксузно приватно засолниште на светот.
Супер бункерот “Opidum” е со големина од преку 7000 квадратни метри.
Направен е своите станари да ги сочува од крај на светот или нуклеарна војна.
Бункерот е, помеѓу останатото, опремен со хелиодром, луксузни подземни простории, како и тајни ходници кои го поврзуваат со зградите на површината.
Местото е стратешки избрани во централна Европа, во близина на Прага, а до бункерот од Лондон или Москва може да се дојде за помалку од 2 часа.
Бункерот од надвор делува потполно незабележително, но затоа под земјата може да се види импресивно здание, налик на подземна палата.
Опидум има подземна градинка, но и приватни трезори во кои можат да се чуваат скапоцености.
Кога е во прашање безбедноста, истиот е опремен со технологија на отисоци од прстите, систем на препознавање на зеницата од окото и најсовремен видео надзор.
Поранешниот шеф на чешката тајна служба и експерт за безбедност, Андор Сандор вели: “Бункерот е единствен по тоа што ги обединува најсовремените безбедносни системи со луксузот и удобноста. Ова е најголемиот таков објект на светот за кој се знае”.
Издрадбата на бункерот започнала во 1984 година, како заеднички проект на владата на тогашна Чехословачка и Советскиот Сојуз.
Тимот кои стои зад него вели дека во развојот на објектот се вложени огромни ресурси, затоа што е граден во време на затегнати односи во светот и дека такво нешто денеска не би можело да се повтори.