Во натпревар од 26-тото коло на Првата лига попладнево на стадионот на “Могила”, фудбалерите на Победа повторно одиграа нерешено-без голови со фаворизираниот Работнички.
Ова е четврто последователно реми на избраниците на Зоран Штерјовски, а трет натпревар по ред во кој резултатот е 0-0.
Oва беше меч без шанси, во кој прилепчани тргнаа поагресивно креирајќи неколку полуприлики во казнениот простор на Шишковски преку Шаркоски и Цветановски, но без посериозна закана по неговиот гол.
На спротивната страна најубавата прилика на натпреварот ја имаа гостите во 25-тата минута, кога Дурански ја погоди пречката. Во последните моменти од средбата Мустафов силно шутираше од 18 метри и кога многумина се понадеваа дека тоа ќе биде радост, но гол топката заврши во главата на еден од одбранбените фудбалери на Работнички.
Во следното 27-мо коло(последно од 3-тиот круг) во сабота на 15-ти април Победа ќе и гостува на Ренова во Тетово.
[Best_Wordpress_Gallery id=”487″ gal_title=”PobedaRabotnicki”]