Едно седумгодишно дете од Сиднеј со кредитната картичка на неговата мајка, купило минијатурна играчка од сајтот „eBay” за 8.500 евра.
-Огромната количина на пари детето ги потрошило на ретката играчката „Golden Billy Banana” од колекцијата „Coles Stikeez”, пишува „Мирор“.
Детето, инаку кое има поблага форма на аутизам, голем обожавател е на оваа ретка колекција и претходно барало дозвола од мајката да го купи реткиот предмет.
Меѓутоа, кога таа го одбила, на интернет со помош на компјутерот пронашол еден колекционерски примерок и го купил со помош на веќе снимените податоци од кредитната картичка на неговата мајка.
Дона тврди дека од „eBay” во прв момент и порачале оти инцидентот се води како “пријателска измама“ и дека најверојатно нема да и ги вратат парите.
Во повеќе наврати ја контактирала својата банка, eBay и PayPal во очајнички обид да ги врати парите.
На крајот „eBay” сепак се согласил да и ги врати парите на несреќната мајка.