Македонската фудбалска репрезентација до 21 година утре во Киев го игра натпреварот против Украина од квалификациите за Европското првенство. Играчот од нападот Марјан Радески очекува добар настап на „црвено-жолтите“.
Македонија „брка“ позитивен резултат за задржување на шансите за пласман на ЕП.
– Украина е многу силна репрезентација, ова ќе биде тежок испит за сите нас, но се надевам дека ќе го поминеме. Во овие квалификации покажавме квалитет, нашата група на играчи е силна, го имаме и потребниот спокој и се што сакаме е да продолжиме да играме како и досега. Како и да заврши овој натпревар, продолжуваме понатаму, ние сме репрезентација која е подготвена за големи работи, а така ќе се однесуваме и утре на натпреварот, изјави напаѓачот Марјан Радески.
Натпреварот ќе се игра на стадионот „Валери Лобановски“ со почеток во 17 часот.