Бројна македонска фаланга вчера и денеска пристигна во Порто, каде вечерва на стадионот “Драгао” ќе ја бодри нашата репрезентација против домаќинот Португалија.
Меѓу бројните македонски навивачи присутна е и една верна група од Прилеп.
Цела Македонија денеска верува дека можно е нашите момци да направат уште едно “изненадување” и да патуваат за Катар на Светско првенство.
Португалците се предводени од Кристијано Роналдо, кој на вчерашната прес конференција истакна дека Португалија е фаворит на натпреварот и дека Светското првенство не може без неговата репрезентација.