Младиот фудбалер на ФК Победа Лука Трајкоски, доби нов повик за настап во репрезентацијата на Македонија за играчи до 17 години.
По настапите во двете победи на пријателските натпревари со Романија минатата недела, Трајкоски е повикан од страна на селекторот Добринко Илиевски и за следната репрезентативна акција.
Репрезентацијата на Македонија У-17 (играчи родени 2000-та година), на 14-ти јуни (следната среда), во унгарскиот град Капошвар, ќе одигра пријателски фудбалски натпревар против соодветната Репрезентација на Индија.