Невена, Наум и Калина Нешкоски, нашинци кои живеат во САД, создадоа уште една химна за поддршка на македонската фудбалска репрезентација, која веќе е во Букурешт и ќе настапува на Европското првенство.
После ВИС „Рисови“ и нивната официјална навивачка химна за Македонија на ЕУРО 2020 насловена: „Одиме на Европско првенство“, ДНК со дел од македонската естрада ја снимија „Македонија на Европско“, а сега еве ја и третата навивачка песна за неполн месец.
„Але але Македонија“ е дело на триото Нешкоски, кое за песната сними и видеоспот.
Музика и продукција се на Невена Нешкоска, стиховите ги напишале Невена Нешкоска, Наум Нешкоски и Калина Нешкоска, додека миксот и мастерингот ги изработила Ребека Марти.