Откако во петокот начелно беше постигнат договор помеѓу тутунарите, министерството и откупувачите, во мирување беа ставени и блокадите на патиштата.
Но, се чини дека постигнатата согласност била само парче хартија.
Утрово тутунарите ги преплавија социјалните мрежи и тврдат дека откупувачите не се придржуваат до она што беше договорено, а тоа е флексибилна линија и реално ценење на трудот.
Претставниците на Иницијативниот одбор најавуваат дека до вечерва ќе се знае кои ќе бидат нивните идни чекори и дали ќе следуваат нови блокади на патиштата.
Производителите бараат одново да се вратат на протести и да го блокираат планинскиот превој Плетвар, Стража и други патишта.
Се најавува дури и протест пред Владата.
