Сабота (26.03.2016) во општина Кривогаштани традиционално по 37 пат се одржува манифестацијата ”Денови на македонска народна носија” која оваа година под покровитетво на Министерството за култура ја организираат општина Кривогаштани и КУД Илинден од Кривогаштани.
Манифестација е од ревијален и натпреварувачки карактер на која годинава ќе учествуваат 20 екипи во коие се опфатени сите региони во државата и повеќе населени места во Македонија. Годинава се очекува манифестацијата да има и меѓународен карактер каде вклучени ќе бидат и претставници со оригинална народна носија од нашите делови од Пиринска и Егејска Македонија како и учесници од Мала Преспа.