Пека Тахкола, урбан инженер и координатор за велосипедизам во градот Оулу во Финска, направил фотографија од локалниот училишен паркинг за велосипеди на -17 степени и снег. И покрај ваквите временски непогоди, училишниот паркинг за велосипеди е исполнет до последно место.
Колку и да ви изгледа чудно тоа што родителите ги пуштаат децата да одат на училиште со велосипед на вакви услови, во Финска тоа е нормално.
Пека направил обиколка низ училиштата во градот и разговарал со голем број наставници и директори, а притоа забележал дека доаѓањето на учениците на училиште со велосипед не е случај само во едно школо, но сепак во ова училиште бројот бил најголем.
Тој на Твитер напишал дека 1000 од 1200 ученици во ова училиште во Оулу доаѓаат со велосипед на школо, дури и во зима на -17 степени целзиусови.
Во нареден пост пишува дека во ова училиште има уште два вакви паркинзи за велосипеди.
