По иницијатива на Џ.К.Бушидо и во соработка со О.О.У “Рампо Левката” од понеделникот до денес се одржа проектот “Џудо во основните училишта”.
Промотор и водител на проектот беше добитничката на “Третоноемвриска награда” и репрезентативец на Македонија од нашиот град Теодора Ристеска, која ги запозна младите со овој олимписки спорт.
Од клубот се задоволни од сработеното и изразија благодарност до сите кои беа инволвирани во овој проект.
Теодора Ристеска во моментов се подготвува за европскиот куп кој ќе се одржи во Словенија овој месец и се надеваме дека уште еднаш ќе ги покаже и докаже своите квалитети и достојно ќе ги брани боите на Македонија.
